ExpoRetrete erakusketa 2026ko urriaren 27an inauguratuko da Mendibil merkataritza-gunean eta azaroaren 19ra arte egongo da zabalik. Merkataritza Zentroaren ordutegia 9: 00etatik 21:00etara da.

Erakusketa komuna, gainerako sanitarioak eta harraska zabor-ontzia balitz bezala erabiltzeko ohitura txarrari buruzkoa da, batez ere toallatxo hezeekin eta higiene pertsonaleko beste produktu batzuekin; baina, era berean, janari-hondarren, gantz eta olioen eta botiketan, garbiketa-produktuetan, pinturetan eta abarretan dauden hondakin kimikoen isurketari buruzkoa ere bada. Pertsona bakoitzaren erantzukizuna eskatzen saiatzen da, azpiegituretan, ingurumenean eta pertsonen osasunean kalteak saihesteko edo minimizatzeko.

Panelek protagonismo handia duten erakusketa da, baina ikusleei aukera ematen die harekin hainbat modutan elkarreragiteko, adibidez, ur-poteak toallatxoekin astinduz, puzzleak eginez, benetako tutuak ukituz, imanak mugituz, hainbat erronkari erantzunak bilatuz, argazkiak eginez…

Ez dugu ahaztu behar planeta osoan 3.400 milioi pertsonak ez dutela Txingudin dugun saneamendu-sarerako sarbiderik. Zaintzen dugunari balioa ematea da kontua.

Horretarako, erakusketak hausnarketarako gonbita egiten du Mendibil merkataritza-guneko bi gunerekin. – 1 solairuan, BMren sarreraren parean, panelak egongo dira gai hauei buruz: uraren ziklo integrala, komunetik janari-hondarrak isurtzeko ohitura txarra, saneamendu-sarean arratoiak egotearen arazoari lotuta, kutsatzaile kimikoen arazoa eta koipe eta olioen arazoa. Azkenik, Txingudiko Zerbitzuek saneamendu-sarean egiten dituzten mantentze-lanen lagin txiki batekin amaituko da.

0 solairuan, erakusketak saneamendu sareko komunaren garrantzia azpimarratzen du. Bide horretatik zenbat hondakin isurtzen diren erakusten du, eta arreta berezia jartzen du higiene pertsonaleko eskuoihal hezeetan, haurtxoentzat, makillajea kentzeko zapietan eta komuneko paper hezean. Espazio horretan bertan, txikienek argazki atsegin bat egin dezakete hodietako “munstro” kareta batekin, hain zuzen ere, buxadurak eta ingurumen-arazoak eragiten dituzten hondakin horien guztien adierazgarri.

Panel guztiek QR kode bat dute, eta kode horren bidez, esposiziotik errendimendu handiagoa lortzea ahalbidetzen duen audiogida batera sartzen da. Kasu honetan, erosoena QRa sakelako telefonoarekin irakurtzea da, eta narratzailearen azalpenak entzungailu batzuekin entzutea.

ExpoRetrete bisitatzera, audiogida entzutera eta harekin elkarreraginean aritzera gonbidatzen zaituztegu. Bisita honek arazo honi buruzko hausnarketa txiki bat egiten lagunduko balu, merezi izango du.

Pertsona bakar baten ekintzek ezin dute arazoa konpondu, baina ekintza arduratsuen sare batek erronka kolektibo garrantzitsuak gaindi ditzake.