Txingudi Data Driven Bay (TD2B)
- Egikaritze-aldia
- 2023ko martxoaren 1etik 2026ko ekainaren 30era
- Finantzaketa-programa
- Uraren Zikloa Digitalizatzeko PERTE – Berreskuratze, Eraldaketa eta Erresilientzia Plana – NextGenerationEU.
- Informazio gehiago
Deskribapena
Txingudi Data Driven Bay (TD2B) digitalizazio-proiektu estrategikoa da, Txingudiko Zerbitzuek bultzatua, Irunen eta Hondarribian uraren hiri-zikloaren kudeaketa integrala eraldatzeko. Teknologia berriak, sentsore aurreratua, adimen artifiziala eta datuak aztertzeko tresnak erabiliz, uraren bilketa, hornidura, saneamendua, arazketa eta isurketa optimizatzea ahalbidetuko du proiektuak, denbora errealean.
TD2B Espainia osoko ura digitalizatzeko hirugarren proiekturik onena izan zen Uraren Zikloa Digitalizatzeko PERTEren bigarren deialdian aurkeztutako 238 proposamenen artean, eta, gainera, Gipuzkoako proiektu onuradun bakarra izan zen.
TD2B Espainia osoko ura digitalizatzeko hirugarren proiekturik onena izan zen Uraren Zikloa Digitalizatzeko PERTEren bigarren deialdian aurkeztutako 238 proposamenen artean, eta, gainera, Gipuzkoako proiektu onuradun bakarra izan zen.
Helburuak
- Hornidura eta saneamendu-sareen funtzionamendua hobeto ezagutzea.
- Zerbitzua kudeatzeko informazio eguneratua eta denbora errealean izatea.
- Gertakariei antzemateko eta erantzuteko gaitasuna handitzea.
- Azpiegitura hidraulikoen digitalizazioa bultzatzea.
- Ur-baliabideen kudeaketa eraginkorragoa ahalbidetzea.
Proiektuaren datuak
- 238 proiektu aurkeztu dira estatu mailan.
- Espainiako 3. proiektu hoberena.
- Gipuzkoan hautatutako proiektu bakarra.
- Lortutako puntuazioa: 82/100.
- Aurrekontua, guztira: 7.221.317,10 €.
- Emandako finantzaketa: 5.461.297,49 €.
- Laguntzaren kopurua: aurrekontuaren % 75.
Proiektuaren jarduketak
- Smart Water Center (SWC): Uraren zikloa kudeatzeko azpiegitura, sistema eta tresnetatik datorren informazioa plataforma bakar batean integratzen duen eragiketa-zentro adimenduna.
- Telehautaketa: Kontagailu adimendunak pixkanaka ezartzea, kontsumoen ezagutza hobetzeko eta horniduraren kudeaketa eraginkorragoa errazteko.
- Saneamendu-sarea digitalizatzea: monitorizazio eta analisi-tresna berriak sartzea, sarearen ezagutza eta kudeaketa hobetzeko.
- Eredu matematikoak eta gertakaeren kudeaketa: Hainbat jokaleku operatiboren aurrean gorabeherak aurreikusteko eta erabakiak hartzeko aukera emango duten eredu aurreratuak garatzea.
- Sentsorika: Neurketa eta monitorizazio-gailu berriak hedatzea, azpiegituren funtzionamenduari buruzko informazioa denbora errealean lortzeko.
- Komunikazioak: Informazioaren transmisioa, integrazioa eta tratamendu eraginkorra bermatzeko beharrezkoak diren azpiegitura teknologikoak indartzea.
- GIS + BIM: Aktibo hidraulikoen kudeaketa digitalerako eta azpiegituren mantentze-lanetarako tresna aurreratuak integratzea.
- Berreskuratze energetikoa: Uraren zikloari lotutako baliabideen aprobetxamendua eta efizientzia energetikoa hobetzera bideratutako soluzioak garatzea.
- Webgunea, Bulego Birtuala eta Zibersegurtasuna: Herritarrentzako arreta hobetzera eta informazioaren segurtasuna indartzera bideratutako zerbitzu digital berriak.
- Planak eta proiektuak: Etorkizuneko hobekuntza-jardueretarako oinarri izango diren azterlanak, analisiak eta dokumentu estrategikoak egitea.
