Industriarako atez ateko bilketa-zerbitzua
Industriek hondakinak behar bezala bereizi eta kudeatzeko, gaikako bilketa-zerbitzu egokitua eskaintzen dugu.
Enpresen beharretara egokitutako hondakin-bilketa zerbitzua
Irun eta Hondarribiko industria-eremuetan, atez ateko bilketa-zerbitzua eskaintzen dugu. Sistemak hondakinen gaikako bilketa hobetzen du, eta birziklatzea zein tratamendua errazten ditu, industria-jardueren beharretara egokituta. Bilketa enpresen instalazioetan egiten da, kamioiek kargatzeko egokiak diren edukiontziak erabiliz.
Onartutako hondakinak
Egurra: Egur naturala, paletak, egurrezko kaxak eta egurrezko bestelako hondakinak.
Papera eta kartoia: Kartoizko kaxak, paper komertziala eta kartoizko bestelako hondakinak.
Birziklagarriak diren plastikoak: Plastikozko ontziak, burbuila-plastikoa, film plastikoa eta birziklatu daitezkeen bestelako plastikozko materialak.
Ontziak: Plastikozko ontziak, latak, metalezko ontziak eta brikak.
Materia organikoa: Elikagai-hondarrak, hondakin organikoekin zikindutako papera, hondakin organikoak eta etxeko antzeko hondakinak.