●Furgoneta elektriko berriek 342 km-ko WLTP autonomia izango dute eta energia % 100 berriztagarria erabiliko dute.

●Erosteko aukerarik gabeko renting-kontratu baten bidez egin da erosketa.

Bidasoa Beherea, 2024ko urtarrilaren 11. Txingudiko Zerbitzuakek beste urrats bat eman du jasangarritasunerantz, hiru furgoneta elektriko erosita. Modu honetara, emisioak murrizteko eta ingurumena zaintzeko konpromisoa berretsita.

Erakundeak lehendik ere bazituen teknologia elektrikoak eta GLP gasa konbinatzen zituzten ibilgailu hibridoak. Hala ere, hiru furgoneta elektriko horiekin, mugikortasun garbiagoa eta eraginkorragoa lortzeko baliabideak handitu nahi dira.

Maxux markako hiru furgoneta berriekerrekuntzako hiru ibilgailu ordezkatuko dituzte, eta erosteko aukerarik gabeko renting-kontratu baten bidez eskuratu dira, mugikortasun jasangarriaren beharretara egokitutako ikuspegi malguago baten alde eginez.

Furgonetak, bataila luzeko bi eta bataila normaleko bat,50 kWh-ko bateria-ahalmena dute, eta 342 km-ko WLTP autonomia. Ibilgailuek, batez ere hiri-erabilera izango dutenez, benetako autonomia are handiagoa izatea espero da. Leire Zubitur Txingudiko Zerbitzuetako gerentearen arabera, “garrantzitsua da nabarmentzea furgoneta elektriko horiek energia % 100 berriztagarria erabiliko dutela; izan ere, kargak egiteko, funtsean, ekoizpen propioko energia erabiliko da, eta Txinzerrek bere instalazio hidroelektriko eta fotoboltaikoen bidez lortzen du”. “Horrela, ingurunea errespetatzen duen negozio-eredu jasangarri batekin dugun konpromisoa sendotzen dugu”, azpimarratu du Zubiturrek.

Mugikortasun iraunkorrarekiko konpromisoaren ildotik, Txinzerren asmoa da datozen urteetan ingurumena errespetatuko duten ibilgailuen flota handitzea. Gainera, entitateak Moves III planeko laguntzak eskatzeko asmoa du, eta horri esker inbertsioaren zati handi bat berreskuratu ahal izango da, 21.000 eta 29.000 euro artekoa, gutxi gorabehera.