Bisita gidatuak
Uraren ziklo integrala
Gizakiak dugun uraren beharra eta kontsumoa, ur honen kudeaketa eta guzti honek ingurumenean duen eragina aztertzeko instalazio ezberdinetara bisitak eskaintzen ditugu:
Elordiko edateko uren tratamendurako planta (EUTP)
Jardueraren deskribapena
Etxeko txorrota irekitzen dugunean kalitatezko ur edangarria ateratzen zaigu. Baina zer dago guzti horren atzetik? Nondik dator edaten dugun ura? Ur asko kontsumitzen al dugu? Eta kalitatezkoa al da?
Bisita honen bitartez eskualdean dugun uraren beharraz eta kontsumoaz, edaten dugun uraren tratamenduaz eta guzti honek ingurumenean duen eraginaz jabetuko gara Elordiko Edateko Uren Tratamendurako Planta (EUTP) ezagutuz.
Oharrak
– Zerbitzua doakoa da. Instalazioetara heltzea bakoitzaren esku gelditzen da.
– Beti irakasle bat egon behar da, eta 20 ikasletik gorako taldeak gutxienez bi arduradunez lagunduta etorriko dira.
Kontuz!
Instalaziora joan aurretik, begiratu nola iritsi.
Okerreko bidea aukeratuz gero, autobusak ezingo du buelta eman.
Erronka urdina
Jardueraren deskribapena
Ohiko bisita gidatu batetik urrun, ikasleak izango dira beren kabuz talde txikitan instalazioan bidea egingo dutenak, beti ere arduradun baten presentzian.
Gainditu beharreko erronka bat izango dute: Endara urtegitik iristen den ura Elordiko araztegian nola tratatzen den ikusi, ikasi eta ulertzea. Horretarako altxorraren bila jolasean oinarritutako dinamika izango da, eta talde bakoitzak duen tabletak markatuko dizkiete jarraitu beharreko pausuak.
Oharrak
– Zerbitzua doakoa da.
– Garraioa bakoitzaren esku gelditzen da.
– Irakasle bat egon behar da beti, eta 20 ikasletik gorako taldeak gutxienez bi arduradunekin joango dira.
Kontuz!
Instalaziora joan aurretik, begiratu nola iritsi.
Okerreko bidea aukeratuz gero, autobusak ezingo du buelta eman.
Atalerrekako hondakin uren araztegia (HUA)
Jardueraren deskribapena
Zer gertatzen da komunetik edo arraskatik behera doan urarekin? Modu egokian erabiltzen al ditugu gure baliabideak? Zein kalte jasaten ditu ingurumenak?
Bisita honen bitartez eskualdean dugun uraren beharraz eta kontsumoaz, zikintzen dugun uraren arazketaz eta guzti honek ingurumenean duen eraginaz jabetuko gara Atalerrekako Hondakin Uren Araztegia (HUA) ezagutuz.
Oharrak
– Zerbitzua doakoa da. Instalazioetara heltzea bakoitzaren esku gelditzen da.
– Beti irakasle bat egon behar da, eta 20 ikasletik gorako taldeak gutxienez bi arduradunez lagunduta etorriko dira.
